總結美國之旅

後記- 今次係我去得最耐、最遠的旅行。嚴格o黎講係探親先真。歐洲12日、台灣4日、泰國4日、日本7日，今次破晒紀錄。
- 算平 (因為慳左酒店錢)。抵過去日本，今次平均 $1300一日，日本 就要$2000一日。
- 都係咁。超級大國嗎? 都係咁la。Ok la。感受到D大美國主義 lor。
- 親切感。在西岸有較多的亞洲人，但在東岸就少好多。每次見到亞洲人都有多少親切感。最後在回家的路上，登上國泰航機時有強烈的親切感。
- 食物。平同貴的都食過，味道都唔錯，不過有部份係好鹹、好甜、好肥。
- 最緊要。其實去邊又有詳所謂，最緊要玩得開心同埋見到自己想見o既人。冇話你去遠D就勁D，佢去台灣就係死窮鬼。
- 一年一度。其實一年可以去一次旅行，都算唔錯啦。下次想去冰天雪地o既地方。

唔同
- 居住環境。舒服D，密度低D，不過有時夜晚都幾恐怖。換個角度，你可以話係唔方便。
- 車。在香港，車是奢侈品，D人成日覺得有車就有一種優越感、虛榮感…但係如果在外國冇車的話，同跛係冇分別的，仲講詳野虛榮同優越。 香港人呀，車係好普通架咋!!!
- 貴。當地的人工係香港的兩倍，當然物價都相對高D。Mc記兩個人食的話，大約 $80幾蚊HKD。
- 悠閒。美國絕大部份人係返五日工的，仲要好準時放工，佢地人工高但又唔洗做，唔洗搏命，個個都好悠。
- 空氣。真係好好多，周圍都有花草樹木，一出門口就有一陣青草味，唔係香港的汽車廢氣。
- 同胞。去泰國、台灣、日本，隨時見到香港人，聽到廣東話都一定會行個注目禮，講得真實D就係互啤、互超。但係，當你好耐冇見過中國人or亞洲人時，你係會想見到佢耐D的。