我的美國之旅 - 大結局

7 月 3 日, 尋日消耗大, 又訓到11點, 日前去大表姐度時路經 Intrepid Museum (無畏號戰艦博物館) ，當見到佢時..."嘩!!! 勁!!! 一定要去!!!"，今日的節目1就是 "登艦" 博物館內共有三大 "展品" 1. 無畏號航空母艦, 2. Growler 攻擊潛艇, 3. 和諧式客機。我相信正常的男仔到達這個博物館時, 必定會好興奮。

先上無畏號, 首先係入去戰機庫，未見到戰機先有一個 911紀念Corner, 最矚目的就是一塊機窗碎片，就是當日撞向世貿的第一架飛機，想像一下當日窗內的情境，簡直係矚目驚心…另外就有大量新聞照片，可見911 真係傷得美國人好深。

行入D, 又有一個紀念Corner, 今次係硫磺島戰役, 有一經典紀念銅像, 又有一D展品 (軍旗、軍刀、書籍等等) 全部寫著 "From a Dead Jap"。突然感受到一股戰爭的恐怖氣氛，原來戰爭博物館的意義係要警惕後世…終於明白。

再行入D到達 simulation 的展區, 我玩左兩個 game, 其中一個真係好正, 係模擬駕駛F-18戰機, 仲可以做出好多高空翻騰的花式動作 (超強升力+離心力)。 由於可以自己控制, 正過好多機動遊戲。

玩完上甲板, 睇左好多戰機, 大開睇界, 最正就係架黑鳥高空偵察機, 好有型, 唔打得都睇得。又反思一下, 二次大戰時, 戰爭就是在這塊大鋼板上…跟住就落潛艇, 潛艇內部有一種壓迫感, 應該冇人會鐘意長留這裡。在阿導遊先生帶領&描述下, 見識了官兵的生活, 最難頂就係超細張床, 同埋一個星期沖一次涼…最後上和諧機, 坐座位佈局係2-2, 機身好窄, 好矮, 雖然這是60-70 年代的科技, 但今日仍然覺得好Hi-tech。

去完Intrepid 後, 就向帝國大廈出發, 去做 D遊客野, 完全感到自己係一個遊客。 排隊排左成個鐘, 終於上到頂樓, 看到日落Manhattan, 由於太多人, 完全感受唔到浪漫既氣氛…不過都係值得既, 始終係NY著名景點 ma。但同巴黎鐵塔比的話, 就差好遠了。夜晚去食一間日本野，全部係店員日本人，雖然中日唔妥 (牽涉國仇家恨， 唔講太多了) ，不過我仍然有一種 (少少) 親切感。

7月4日, Independence Day, 其實冇太大唔同, 好多人已經係幾日前出左城, 同埋掛晒D美國旗出黎, 最大分別就係有煙花放, 香港一年都兩次 la, 不過人地係國家級數, 架船大好多, 放得耐好多…就是這樣。上午去左幾個Mall (買左架玩具車俾小魔怪)。 下午再次去姨媽度, 夜晚又開檯, 今次要輸了… $22 不過冇所謂 la。真係要走了, 今次旅程唔會再o黎了。 道別時，小魔怪又唔捨得我, 又喊!!! 其實我都唔捨得佢地。

7月5日, 今日好熱, 應該有28-30度, 目的地係自由神像。泊車後首先行經一個廢棄的火車站, 好大, 有18個月台, 長超過100米。之後到了買船飛的地方, 這裡是從前買火車飛的地方, 有一種古典feel。等左一陣 (好熱…) 上船, 首先經過愛麗斯島, 這裡是從前的Immigration, 都幾靓的。 但我冇落船, 直接向自由神像進發。

到了Liberty Island，回看過程…從前的歐洲、非洲、南美洲移民就是首先進入紐約港，看見自由神像 (可會有一種解放feel?) …然後到愛麗斯島辦理入境手續，再到火車站前往目的地。講返自由神像，我入左裡面的展覽館，睇左佢既history， 其實佢係一個銅像，只係顏色似石像。就在她腳下，我再一次打俾Edmond，送佢一招"天舞寶輪"，仲唔死!!! 跟住返落草地行個圈，影下相。原來唔係淨係遊客先至到的，有好多本地人都會專程來。相比帝國大廈，自由神像絕對值得去!!!

離開自由神像後，再向新澤西中部的 Six Flag Great Adventure Park 出發。What’s that? 一個玩機動遊戲的There Park，全美國都有。有好多過山車，10種機動遊戲就有7個都係過山車。我玩左幾個，有被毆打Feel 的、玩到Pat Pat 痛的、扮超人飛的、扮Batman 旋轉的…最刺激的叫Nitro，一開始最高點有大約35層。一開始上最高，越上就越驚，跟住就以75度由35樓直衝而下，跟住再立即上返30層左右。在最低點反彈的那一種下壓力，再返回第二高點那一種漂浮的感覺…就在3至4秒間發生，根本冇時間去驚。我係夠薑&鐘意玩機動遊戲的人，但那一刻真係好驚，因為由最高點衝下時有晒心理準備，但第二下就毫無準備…隔離個鬼妹開始奪命狂呼，係恐懼果種…我呢，適應左之後就狂呼，好過癮，同海洋公園冇得比la!!!

High 完一輪後，行左陣，食野+買手信。最開心就係終於畫到卡通人像畫，我上次係台場miss 左呀!!! 最後都玩到10:00 pm，個park 關門先至走，臨走時都幾唔捨得，因為實在係好玩，同埋呢一世人都未必會再o黎呢個咁開心o既地方了…

7月6日, 再沒有安排特定的地方去， 志在HEA 下，買下野，悠閒地過埋餘下的旅程。Lunch "落街" 食Burger King "落街"係指渣車去附近的地方。這就是同香港最唔同 o既地方 – 住得舒服D。夜晚再次去食那一間日本野，一人一隻炸軟殼蟹，仲要原隻上，超好味!!! 再加麒麟啤!!! (啊!!! 人生就是這樣的!!!)。晚上再經過 George Washington Bridge 時，已經是今次旅程的最後一次...再見了 紐約市。

7月7日, Is time to go home & Long way to go home. 飛17:00仲有時間食個 lunch，去了Cheesecake Factory，都幾好味o既。最深刻的是有隻烏蠅嬲支飲筒，即刻趕走佢，阿waitress 姐姐即刻過o黎問係唔係有詳野事，講俾佢知之後，佢即刻就換過支o黎。如果係香港，多數會扮睇唔到…

最後了…重聚有時，離別有時。同一個機場，同一對戀人，同一個黃昏，不同的是…今次是在Departure Deck。千萬個唔捨得，轉身離開的一刻，非筆墨所能形容…但有了別離才會有重聚，(離別有時，重聚有時 ma) 下一次見面，就是在香港機場，而且指日可待 。