我的美國之旅 - 西岸

蛋哥, 你的美國之旅全數記錄下來, 非常仔細, 勁
我盡量la, 始終事隔太耐, 而且魂魄仲未返香港…

首先，今次旅行同以往唔同 - 唔洗趕。同埋趕都趕唔黎，因為地方實在太大，一日只可以做一至兩樣野。

6 月24, 23:35 出發, 食完個宵夜飛機餐就訓, 大約訓左6個鍾, 尚餘的航程就睇下戲, 睇下本書, 望下天。(唔係賣廣告, 不過如果搭長途機的話, 最好都係搭國泰，至少有電視&親切D)。由於全程順風, 只係13個鍾左右就到了LAX (西岸時間21:45)。到步後, 眼訓已經掩蓋了肚餓, 只係兩分鐘就訓著了。

6月25, 實在太好訓，而且特登搭呢班機，完全冇時差了。去左 Deep Sea Fishing, 本來諗住去 Car Racing 的, 不過太遲 book, 已經冇位了, Skyline, WRX, EVO, 法拉利, 波子等等 全部同我冇緣, 不過冇所謂, 出海都好好玩。當日風和日麗, 天氣超正…(傳說中的加州陽光呀!!!) 開了一個鍾船便開始釣魚, 我地就只得一條龍脷仔, 由於Size 太細, 要放, 其他人就釣到好多 Barracuda。最正就係好多海鷗跟住架船，掟D魚仔上去，佢地就會接住。 風和日麗、老友、出海、放長假、旅行...人生就是這樣的!!!

6月26, 去左: 1. Outlet, 竟然Nike 同Adidas 都買唔到野，D款同香港比差太遠了，又唔係平好多。行晒成個Outlet最後只係買左兩件衫...。2. 3rd St + Santa Monica – 遊客必到，有好多表演&好多野買，個Feel 幾正。

6月27, 環球片場, 其實全世界的 Theme Park 都係咁上下的, 只係主題唔同, 不過未去過的話，都值得去既，始終係荷李活ma，大阪果個我就唔敢包了。我覺得Mummy同烈火雄心最正。

6 月28, 04:30 同Eddie一齊出門，離開LA。佢返西雅圖做野，我就前往NY，就在LAX 的Terminal 3，又要同兄弟講再見，實在係唔捨得…待續