呢兩日

星期六
上半場去左同事阿Chris屋企打Winning, 共五人, 各人技術不相上下, 由第3代玩到第8 代, 個個專業級 (我識一個大師級 – 力王), 全程勢均力敵, 好好玩。阿Chris個仔 (兩歲) 見到咁多人, 好似好驚, 又好似好興奮 。一時走來走去, 想同我地玩; 一時又怕怕羞羞, 面露惶恐, 最後俾媽咪帶走左…

下半場去左力王度, 阿蛋冇出現, 康哥o黎左。開檯, 再一次玩 x 5, 康哥由於唔適應, 又太搏命, 最後做左阿爾蓋達死士, 鋪鋪 x 5 的都係佢出銃…如果唔係最後一鋪 x 5 自救, 恐怕佢以後經過佐敦都會o拿o拿聲走。力王家姐個女 (8個月) 已經出了牙仔, 又係淨係識對住你笑, 好得意。

星期日
34度…最好梗係開檯or打機la, 但係尋日做晒了… 咁熱, 不如去游水啦!!! Call 史提芬, 佢尋日游左。Call 偉哥, 唔得閒… 冇計, 唯有單拖去la。

去到泳池, 所有馬蘭盧的視線全部集中左兩個金髮比堅尼身上..馬's 的頸部隨著鬼妹's 之移動而轉動…好壯觀!!! 仲好睇過比堅尼呀!!! 我有冇份? 我話冇你信唔信? 冇目不轉睛, 佢係我面行過, 我都冇計架... 因為去完旅行之後, 都係覺得亞洲人親切D, 金髮嗎…美國成條街都係… ok la 。原來今次係今年第一次游水, 相對舊年少左好多。

夜晚又見到我家姐, 個肚越黎越大了, 嘩!!! 好興奮!!!