我的美國之旅 - 東岸2

7月1 日, 尋晚俾小魔怪吸乾咁滯, 當然訓晏D, 起身已經係11:30, 過一陣就出去飲茶, 飲完茶去大表姐屋企坐下, 嘩!!!! 三大塊透光天窗, 好正呀!!! 香港恐怕好難咁做。再同小魔怪玩多陣, Maggie 就黎接返我。小魔怪今次俾卡通片分散左注意力, 對我要走冇咁大反應，yeah!!! 跟住就出New York City, 駕車經過Mid Town, 名店街、帝國大廈、中央公園等。晚餐去左Manhattan 區的一間法國餐廳, 貴、 好味、裝修好靚、氣氛好正, 食完飯去了Chelsea Pier 對住Hudson River、Jersey City & Manhattan 的夜景同Maggie 浪漫一番…呵呵!!!

7月2 日, 今日的目的地係大西洋城, 在200公里外, 渣車去快的話都起碼兩個鐘，去做乜? 去贏大錢咯!!! 同埋見識下東岸的賭城, 雖然佢不及拉斯維加斯,不過一定勁過澳門好多la。由於July 4 的long weekend 開始了, 都幾多traffic, 幾經辛苦才到達大西洋城，第一個感覺係, 金碧輝煌、金堆玉砌、好浮誇，其實賭城都係差唔多架啦。除左賭之外，佢既超長沙灘，海濱購物街都好正, 同LA 的Santa Monica 有得揮。講返賭場，我就只係識玩廿一點，minimum $15 USD 一鋪，我玩左陣，見個莊霉霉地，加到$30 一鋪，最多贏$100 左右，之後有個鬼佬坐左我上家, 即時搞亂晒D氣場, 搞到我霉返一陣, 發覺勢色唔對，割禾青走人，執左$55。玩完再沿購物街行一陣，已經日落了，加上Long Way to Go Home，大西洋城之旅就此完結。回程時見識了Maggie 的超高駕駛技術，自愧不如…