好熱呀!!!

我唔怕凍, 但好怕熱, 冬天10度8度都好地地, 今日簡直係攞我命......只係由地鐵行返屋企的十分鐘路程, 已經令我汗流浹背, 成頭濕晒。新聞話有團體搞無冷氣日, 咁有益o既活動千其唔好預我......

Blog 已經變成了我、Edmond、阿旦的第二戰場，最後一塊淨土都冇埋。戰爭o既開始係全因Edmond 這個邪惡軸心在多年前引發，簡直係侵略行為。 話說有一日, 我返緊工, 突然電話響:

Me: 喂
Ed: 你做緊詳呀?
Me: 返緊工lor 洗做呀
Ed: 我係沙灘呀, 你聽下D 海浪聲~你就好la係公司有冷氣, 我好熱呀!!!!!!!!
Me: ………………… (當堂俾佢扣左半行能源, 冇野好講, 硬食一下)

自此以後, 每一次放假或去旅行, 我地都會互「賴」對方, 務求令對方難受。佢話: [無他，看見別人痛苦就是佐敦四虎的快樂來源]。基本上我唔同意, 我冇佢咁變態, 不過既然受到攻擊, 點可以唔還拖? 今次美國之旅就痛痛快快咁「賴」佢一鑊甘。