童年回憶2

伴我成長之地方篇

家 – 住了18年, 對這個社區的感情, 不是其他人可以理解, 但每人總有屬於自己的社區, 總會有這種…算係 “鄉土之情”吧。

細個的活動範圍有限, 多數集中在油尖區:

公園 - 首先係屋企附近的佐治五世公園, 西貢街公園, 這兩個公園今日依然存在, 每次經過都勾起不少兒時回憶。 遠少少既九龍公園…泳池、足球場、魚池、Mc 記 etc…

佐敦道碼頭 – 以前係西九龍的交通樞紐, 巴士總站, 汽車渡輪, 小輪往中環及灣仔。碼頭附近好旺, 又有艇家賣海鮮, 又有熟食車仔。每次汽車渡輪到達, 兩條長長的車龍一出一入。一到放工時間, 排隊上車、上船、買野食的人龍好長。現在海填了、碼頭拆了、巴士站搬走了。

避風塘 – 停泊了大大小小的船隻，端午節時有龍舟比賽。現在變了奧運站。

寶靈街 – 有賣game 的商場, 賣玩具的攤檔, 細路仔梗鍾意。

街市 – 十年如一日, 大致上冇變過。只係冇左間玩具店…

啟德機場 – 由於阿媽以前經常出差, 每次佢返黎, 老豆都會帶埋我去接機。機場對一個細路黎講絕對是好玩的地方: 看飛機降落、跳字指示牌、國際時間鐘、行李車等等。

培正一帶 – 麗心韓燒、紅寶石、雅閣、阿華、夏銘記、樂然肥仔褲、雞旦仔阿伯、勝利道凡的玩具店s，全都是童年的回憶。