童年回憶 1

伴我成長之玩樂篇

細路時:

Lego - 細個有好多, 最想要的海盜船, 如今買了復刻版, 停泊在我房中。

叮噹 - 可能多啦A夢先係佢真名, 但始終都係叮噹 o岩聽D, 一講 "叮噹"即係講左自己的年齡?

忍者小靈精 - 又越過高山又越過谷, 唔好扮唔識唱 la。

加菲貓 - 我第一次睇漫畫, 就係睇加菲貓, 最鐘意阿的。

紅白機 - 嘩!!! 當年簡直係劃時代o既科技結晶。

四驅車 - 幾乎個個細路都有一架, 小五時有一次全班男仔帶晒返學, 考試後去附近的公園玩, 點知有人報串, 俾先生周到, 但最後都冇事。

聖鬥士 - 天馬流星拳!!! 盧山升龍霸!!! 細個第一次捱夜睇的卡通片。你有冇代入過其中一個角色, 話自己係邊個呢?


中學階段:

高達 - 日本國寶之一, 日日放學都追, 又會洗晒D錢去買模型

麻雀 – 細路時經知道基本概念, 中二那年正式單獨作戰, 最勁就係有一次食出大四喜。不得不提那時有條水魚, 俾我地贏晒佢D錢….

男兒當入樽 - 在當時非常流行，誰人不識櫻木、流川、三井、赤木、宮城? 一聽完首主題曲後便充滿戰意!!!

籃球 – 90年代中 “Jordan + 男兒當入樽 ” 有邊個男仔唔去打籃球? 佢差不多支配我整個中學時代: 中二至中七。當年在宋皇台公園的那個籃球場上, 每一個星期六早上, 每次仰望那劃破長空的航機, 每一個射籃動作…那正是最無憂無慮的日子。

足球 – 打打下籃球, 無lala踢足球? 因為有左cable TV lor!!!! 曼聯!!!最初睇波係支持紐卡素的, 但因為曼聯落後12分都可以反勝, 從此以後…但我踢波就唔係好勁, 踢前鋒鬥快鬥走就得, 後衛一腳清都得, 其他就… 最好玩得可算是灣仔公園時代了, 有一次我竟然可以一場入6球..o下?