日本之旅

美國之旅前, 趁仲記得上次日本之旅, 分享一下:

目的地 - 平時正在逼地鐵返工, 今日同一時間 搭飛機去旅行!!!! 吹咩!!!

巴士站 - 當我踏足日本, 第一次走出室外...那是成田機場的接駁巴士站, 會唔會有貓巴士來接我呢?

重逢 - 搭接駁巴士 (唔係貓巴士) 由Terminal 1 去 Terminal 2 匯合Maggie, 這一刻, 等左半年

落難 – 箱根關所 miss 了一班巴士, 足足等了半個鐘, 期間…天黑, 好凍, 好餓....慘...又會唔會有貓巴士來接我呢?

感動 - 證實左日本係冇貓巴士的 ... 落難之後, 返回酒店, 拉開房門的一刻, 嘩!!!!! 好靚呀!!!!!! 再加懷石晚餐, 再加浸完溫泉後…… 全個旅程訓得最舒服就係呢晚

迪士尼 - 無論幾時, 迪士尼都係開心既地方, 1996年巴黎, 2004年東京, 2005年香港!!!! yeah !!!!!!唔知little world 會唔會唱廣東話呢?

和民 – 去完迪士尼, 23:00 都未食野, 餓過飢, 去左新宿西口的和民 晚餐+宵夜, 和民在日本就等於茶餐廳, 都唔明香港人點解當寶.....

同胞 –新橋站下的吉野家, 有一個侍應, 原來佢係北京來的留學生, 臨走同佢講左句國語: "加油呀"

溝通 – 買Porter 時, 阿sales 哥哥同我, 大家都聽唔明對方的英文, 靠身體語言+寫字+我本旅遊
書…但係又幾好玩喎

Puff - 上野站, 個puff 超好味!!!! 仲整污糟左件曼聯添

落後 – 日本這個亞洲最先進的國家, 成田機場快線的月台竟然冇自動電梯!!!!! 個行李好重呀 + 40幾級樓梯…低能架

失落 - 回程的飛機上, 當一個人獨對夜空, 有一種強烈的空虛同失落感.......出得黎行, 預左要還?