忍一時

先講一個故事:
有一次深夜經過獅隧九龍出口，到達映月台那個彎位時，後面有架爛鬼Civic閃我…ok，你行先lor。死臭飛，仲要啤我一野? 我的小猛獸冇跑車 setting，不過3.0 V6, 218phs 要你架爛車食塵，好易架咋。我當然冇同佢癲，因為浸會橋面係捉快車的黑點。

15秒後，前方閃了一下…，過埋燈位我就見到佢停 o係路邊，俾兩隻白炸捉住…即時心都涼埋!!! 抵你死呀!!! 如果我當時拉低個三波 + 踩大油，停在路邊的就是我。

如果未搵到新工就貿然遞信，停滯不前的又會是我。要成功，就至少要生存下來 。行得慢，不代表沒有前進 。不要衝動，要為大局著想，不可以完全停頓。

忍一時，風平浪靜。121行動取消。