917 Wargame

昨晚的戰事，個場細細、話有冷氣 (但好熱)、total 13人、第一次同康哥打wargame、人人叫我做水鬼 (why? 我件風褸有帽，加埋個面罩…笠到實，個 look 十足以水鬼隊)。

精彩的一幕 (Go Go Go!!!) - 我同阿Mor 作攻堅，數一二三，由我扯開布簾 +大叫 Go go go，突擊滿佈敵人的房間。在五秒之內，敵人就一舉被殲滅了。可惜…可能殺得性起 la，加上距離太短，阿Mor 殺了人質之餘，還擊中了一個女仔的額頭，見紅添呀…最後任務失敗。而阿Mor 狂say sorry、懊悔不已、仲冇晒心機添…

緊張的一幕 (Enemy at The Gate) - 我同 Jason 對敵，當時大家都知道對方的位置，我感覺到佢正在迫近。就在即將短兵相接時，我立即彈起身由窗口射出。結果擊中了!!! 雙方的距離就只有六尺左右。

被殺的一幕 (Killed by Jannie)– 擊倒 Jason 後，便暴露了位置，立即引來 Jannie、星哥的夾擊。結果被 Jannie 近距離爆頭!!! PARK 一聲，仲暈暈地添 (千其唔好睇小女將呀，分分鐘勇猛過你、狠過你)。若非水鬼裝束的保護，恐怕我都會見紅了。

大致上…好玩!!! 不過今朝起身時，手痛 (舉槍太耐) + 大脾痛 (蹲得太耐)…嗚 >_< 有興趣可以望望那場地個 site: http://www.dgw.hk/