Toby 仔

今日重頭戲，Toby 個仔首次登場!!!

Toby (912) & Stephen (917) 生日，今晚來了一次聚會。第一次咁多人、第一次食中餐。

Q1. 點解咁多人?
Toby 仔的號召力驚人!!! 一吹雞，一日之內全部人reply 晒，出席率係 100 %。加上幾年冇出現的Maggie Wong 同埋男友出席，呢條友一見到我就響我全朵…詳野料呀你??

Q2. 中餐?? o下?
就Toby 一家方便ma，結婚 & 個仔首次登場，都係同一酒樓。

集中講個重頭戲，大家姐膽粗粗，竟然走去抱阿丁曉楠小朋友。嘩，呢個動作絕對冇人敢做，果然係大家姐!!! (但好明顯 Toby 就驚過你la)。之後輪到 Connie，我隨手影了幾張Snap (你地即管話我係偷拍la)，有一張影到 Connie D母性出晒黎…Today Best Shot 呀!!! 之後大家就爭相同BB 影相。原來我們相識已是六年前，今日已經做左 Uncle， Auntie了。

下場，去了鯉景灣飲野，Toby、偉哥、Stephen、Connie 冇 join，終於見到李奧架電單車 (個人覺得有一種渣飛機Feel，but 2 wheels... not my type)。全晚狂俾人s 問: Maggie 幾時返? 我唔識答，因為真係唔知，咁就俾人 o趙喇: "你有冇心裝載架?"、"你係 o米玩到唔知時間呀?" 云云...(你地，放過我 la...)。

散場都只是23:00 左右，算早了。但昨晚消耗大+今日長周…搭地鐵時，一坐低…散散地、思考唔到…還是那杯 Rum Coke with Lime 殺我於無形?