放榜前哨戰

下星期三便是會考放榜了，聽說已經改制(三三四)，明年將會是最後一屆會考。昨晚得知姑姐與表弟因放榜後如何部署一事鬧分歧。於是便已過來人的身份充當和事佬。講完一輪之後

發現:
獨生子女的孤獨、任性、無助
為人父母的睇法、擔憂

想起1
Shall we talk 的歌詞:
孩童只盼望歡樂　大人只知道期望
為何都不大懂得努力體恤對方

想起2
當年放榜的情形: 之前一晚我表哥黎左陪我，當晚沒有太大的壓力，但係當晚我地又冇講過有關放榜既野，只係打下機，吹下水only。訓覺時老表訓梳化，我就陪佢訓廳(訓地下)。訓到半夜，由於地下太凍了，我就好冇義氣地，留低老表一個，返房訓...哈!! 仲訓得幾好添。

第二朝返到學校，阿Miss 話，你考得唔錯喎…跟住就咁讀左中六。當時邊有部署過? 邊有諗咁多野呀? 真係殺到埋身我都未知驚喎…唔通係我遲鈍??

其實一個十七歲的小子又點會知驚&識去諗? 做父母就一定係皇帝唔急太監急。其實每個人都總有一次架啦，到最後大家都係殊途同歸，有詳所謂呢?