Greeting & Appreciate

買聖誕禮物這項活動，為準備過節的心情掀起了序幕。Log On、 City Super、 大大小小的精品店，全都擠得水洩不通…聖誕 feel 呀!!!

買禮物時，究竟在想什麼呢? 想令對方開心? 買D無聊野，令對方哭笑不得? 投其所好? 要實用? 收了別人的，現在要回禮? 只是為了要交換? 還是為買而買?

不論是什麼原因，聖誕禮物都應該是 "買o個個開心，收o個個開心" 吧，為它加上 Greeting 啦。

------------------------
今日臨收工，阿秘書姐姐拉我埋一邊，話有秘密講。嘩? 搞詳呀? 咁 serious? 仲話千其千其千其唔好揚，連最 friend 的幾個都唔好講!!! (佢地自己在我個 blog 睇到咋，我冇講)。仲有在連番裁員&地震時期，呢D始終係敏感 topic 喎。

原來係佢8到我有人工加，今年仲有 bonus 添!!! 嘩嘩嘩!!! 雙糧就收得多，bonus都係第一次。佢又補多句: "o拿，老細 Appreciate 你喇"

------------------------

聖誕禮物s + bonus
呵!!! 聖誕快樂喇!!!

------------------------

後記:
$$到手後，走去睇下心頭好。原本打算買俾自己做聖誕禮物，不過D配套+改裝仲貴過佢本身...總數盛惠 $3000!!! 算了...1. 有錢都唔係咁洗架。2. 鍾意唔係一定要擁有。3. Sniper要單兵作戰...我唔鍾意身邊冇隊友支援的感覺。