見工趣聞

星期一去見工，就是較早前 “團隊” 那個Post 那間公司。全部有8個人，分 3 Group 做Discussion，再加老細 & 一個HR。

Interview 分3 part:
1. 批評一下佢地本Catalog (個人)
2. Case - 無國界醫生 (小組)
3. Case – iPod (小組)

最有趣的是Part 2. 在此分享一下:

你係無國界醫生其中一個志願團體的 Team leader，你有一支 Team、車隊、一個醫生。你的任務是到一個有戰亂的城市，把100個難民帶到15小時車程外的難民營。

當走到三份一路程時，突然有一個難民患了急病，佢好痛苦、好驚、唔想同家人分開。但是，隨隊的醫生表示現時沒有藥物可以醫治佢，就算去到難民營都唔會有。但如果返去城市，那處的醫院便會有，不過打緊仗。

問題係你身為Team leader，你會點做?

我組的答案是，將難民分為2 group，冇病冇痛那group就向前去難民營。至於病人同家人，我地會將現時的情況以及可能發生的話晒俾佢地知。再由佢地決定向前走，還是向後走。不論佢地作什麼決定，我們便會作出合適的安排。如果佢要返去，咁就搵其中一架車送佢返去; 如果佢向前走，咁就聯絡難民營，叫佢地班救兵。

原來，這是真實的case，2003 件在阿富汗發生。當時的做法是同我組的答案一樣。我唔係想講: 哈哈，我岩左!!!，而係想講: 今次見工真係幾好玩。