講波

今日同大家講下波，女士們或冇興趣既朋友，唔好意思了。

首先表明立場，我是100%曼聯迷，唔好問點解，鍾意就鍾意，冇得解。今年英超再次開鑼，已經打了2-3 round 了，再次回到有波睇的日子。歇暑時，冇波睇，硬係差左D野咁。

講下自己隊曼聯先，今年買左雲達沙 + 朴智星，一個經驗豐富，一個體能100。但買雲達沙遲了六年，朴智星一人就可以改善中場問題嗎? 希望愛隊今年起碼都有第二，有足總杯捧，入到歐聯4強。

車仔。金錢堆砌的足球隊有意思麼? 面對這個新崛起的強敵，有D怕怕地佢了，不過佢地好多時都係符麓險勝…又唔係真係好強。不過我最欣賞就係摩連奴，呢條友，臭串、撩事鬥非、口多多、Cool、鐵腕 = 型爆!!!!。曾經看過一些花邊報導，一個咁強既男人背後原來有一個溫馨的家庭，家中最冇地位就係佢。

阿仙奴。我最憎就係呢隊波，唔好問點解。憎到詳野程度? 睇見佢地折墮我就好開心。叫兵工廠??? 不如叫賊工廠la，個個面目猙獰、矛、陰濕。個所謂王牌亨利只係識蝦細路，對弱旅就入兩三球，打大賽就冇影，國家隊仲衰!!! 同施丹比，仲差九條街呢!!!

利物浦。其實我唔憎呢隊波，不過鍾意就講唔上。我最鍾意就係佢地個口號: "You'll Never Walk Alone" 超正呀!!! 當年睇住佢地捧足協杯，同埋舊年捧歐聯時都有替佢高興。不過佢地今年後備力量好弱…應該攞唔到詳野大杯…

巴塞隆拿。我一向都唔鍾意皇馬，我鍾意巴塞。相比起皇馬，巴塞少了一份浮誇，多了一份拉丁味，更多一份球味。後防仲差少少，中前場就超強了!!!