奢侈

日本之旅 $14000, 去7日, 平均$2000 一日, 奢唔奢侈?
美國之旅淨係機票都 $10000, 奢唔奢侈?
不過今次唔係想講錢

星期日, 訓醒都13:30, 皆因之前一晚太盡，畢竟都唔後生了…食個經典港式Lunch - 沙爹牛肉公仔麵, 火腿奄列, 多士。食完去左剪頭髮，剪左個德軍頭，一來天氣熱，二來去旅行時唔洗打理。跟手去左買隻Eason 新碟 - U87。返屋企煲碟，Eason 聽晒 再加上下網 大約一個鍾。之後到煲高達，問阿姐夫借的DVD版有六隻碟，每隻有19 個chapter，每個chapter 大約20分鐘…..原來咁長的，睇到打敗左大魔 (期間仲歎左支甜筒…呵呵)。夠鍾去襯家度食飯，嘩~ 原來我家姐個肚大左咁多…BB 10月出世了。食完返屋企，稍事休息，訓覺。

即係點呀? 同個topic 有咩關係?
有!!!! 咩冇呀~ 咁休閒o既星期日我好耐冇過了，在考試期間根本就冇可能咁做，已經係好奢侈。簡單的星期日，已經好滿足、好過癮。